عمل فني لذكرى النكبة
تاريخ النشر : 2013-05-14
أغنية بعنوان صامدون لمغني الراب الأفضل من غزة .. إبراهيم غنيم المعروف بإسم إم سي غزة وتصميم لمصمم الجرافيك : بشير بسيسو
الكلمات :
المقطع الأول:
صامدون بعرف مش حنطول
إمبارح واليوم وبكرا نُمهِل لا نُهمِل
وبـبعد بعد بكرا متأمل
الرجعة مش حنضل نأجل لإنو بغير إيدينا ما حد حيعمل حنكمل
حقطع السلك بالجلد أخدها للأرض ركض
حقتل الوجع وأتخيل بتمشى في البلد بعد
منحررها وإلها نَعُد
عِد كم عَقد مَر
مَر مَر عيشتنا كم وعد ضر أكتر ماَ سَر
كَم مِن من سواعدنا للملاجئ فَر
صامدووون والزغاريد بتحلي ريحة البارود
جنود بالقلم والدم بكل وسيلة بنصنع وقود
والبوصلة موجهة عالحدود حنعودد حنعودد
ياما إنكتب محاضر والمجرم بالجمعة حاضر كمحاضر
التاريخ يكتب الحاضر ما تكون لأحلامنا حاظر مش مستني تعاطف منك بس كون حاضر
قول حاضر وإحنا حنضل
صامدون
المقطع الثاني :
للقدس لحقنا بالعودة للأسرى للشهدا لنداوي الأوجاع
لنحافظ عالكرامة للأمل ببكرا للي عانا بالشتات للحلم
لنرقع الشراع
للاجئ للمخيم للحجر للصاروخ للمحاصر للي للحرية جاع
للوحدة عالزناد للإنتفاضة لنرفع الهامة للذكرى لمدة الصراع
مين نام في قصف مين قام عالصوت مين صحي لقاه بحضنو مفش منو مهربا
مين مات من شمعة طب كيف صارت ولعوها ونامو عشان ما فش عندهم كهربا
مين إتعذب وإنتهب خيره مين عانى على معبر أو حاجز محتاج تصريح دخول أو خروج اااه ورقة
مين تهجر من أرضه مين تجرفت مين إنشال من مسلسلو آخر حلقة
مين ممنوع محروم من الوضع الطبيعي لأي كائن مين شمسه مغطيها سور
مين مين مين مين نفسي يكفو السطور لأعرف أوصف لك ليش صامد أوإيش فلسطين
ليست هناك تعليقات:
إرسال تعليق